Alaksandr Łukašenka pryniaŭ prezidenta Abchazii jak nie roŭnaha sabie pa ranhu FOTAFAKT
Sam Łukašenka siadzieŭ u hałavie stała, a naviedvalnika raźmiaściŭ pravaruč.
21.02.2023 / 17:58
Łukašenka jaŭna prymaje kiraŭnika samaabvieščanaj Abchazii Asłana Bžaniju nie pa ŭłasnym žadańni, a tamu, što tak zahadaŭ Pucin. Nievypadkova hety vizit adbyŭsia paśla sustrečy z Pucinym, jak i raniejšaje niečakanaje naviedvańnie Łukašenkam Abchazii, u jakuju jon adpraviŭsia adrazu paśla taho, jak sustreŭsia z rasijskim prezidentam u Sočy.
Pryčyna niežadańnia Łukašenki pryznavać Abchaziju i jaje kiraŭnictva — viadoma, nie ŭ jaho šanavańni mižnarodnaha prava. Prosta pryznańnie Asłana Bžanii roŭnym sabie dla Łukašenki de-fakta stanie nie ŭzvyšeńniem abchazskaha lidara, a apuskańniem da jaho statusu samoha siabie. Da taho ž Abchazija razam z Paŭdniovaj Asiecijaj paśla pryznańnia ich Łukašenkam niepaźbiežna zachočuć dałučycca da «Sajuznaj dziaržavy», što paspryjaje razmyvańniu Łukašenkavaj manapolii ŭ adnosinach z Rasijaj.