Hrupoŭka Vahniera straciła va Ukrainie bolš za 30 tysiač čałaviek zabitymi i paranienymi — CNN
Hrupoŭka Vahniera straciła va Ukrainie bolš za 30 tysiač čałaviek zabitymi i paranienymi, paviedamlaje CNN. Jak paviedamlaje telekanał, takuju acenku ahučyŭ pradstaŭnik Rady nacyjanalnaj biaśpieki ZŠA Džon Kirbi.
18.02.2023 / 09:24
Pa danych urada ZŠA, kala 9 tysiač čałaviek byli zabityja, pryčym pałova ź ich — u pieryjad ź siaredziny śniežnia.
Kala 90% zabitych u śniežni byli zavierbavanyja ŭ rasijskich turmach, śćviardžaje Kirbi: «Jany staviacca da svaich navabrancaŭ, u asnoŭnym asudžanych, jak da harmatnaha miasa, litaralna kidajučy ich u miasarubku, nie pa-ludsku, nie zadumvajučysia. Ludzi, jakich jon [Pryhožyn] prosta vyrvaŭ z turmaŭ i kinuŭ na pole boju biez padrychtoŭki, biez abstalavańnia, biez arhanizacyjnaha kamandavańnia, byli prosta kinutyja ŭ boj», — cytuje CNN Džona Kirbi.