Zajac źjeŭ svoj prajazny ŭ słuckim aŭtobusie
Zdareńnie adbyłosia na hetym tydni na adnym sa słuckich maršrutaŭ. Kanduktarka złaviła adrazu dvuch pasažyraŭ z padroblenymi prajaznymi.
17.02.2023 / 14:12
Tak vyhladaje sapraŭdny prajazny. Fota: kurjer.info
Jak heta adbyłosia, słuččanka raspaviała karespandentu «Kurjera».
Kanduktarka Valancina Dziemidovič u prafiesii ŭžo 20 hadoŭ, tamu lohka raspaznaje padrobku. Dniami prajazny bilet adnaho z pasažyraŭ zdaŭsia joj padazronym. Jana paprasiła pakazać dakumient bližej, i jon akazaŭsia padroblenym. Mužčyna, na vyhlad hadoŭ 45-i, vyrvaŭ prajazny z ruk kanduktara, zapichnuŭ u rot i źjeŭ.
A tak vyhladaje falšyvy niaźjedzieny prajazny. Fota: kurjer.info
Na nastupny dzień Valancinie znoŭ trapiŭsia padrobleny prajazny: jaho pakazała žančyna, prykładna takoha ž uzrostu, jak i mužčyna. Pryčym druhi numar padrobki akazaŭsia identyčnym pieršaj, tamu kanduktar vykazała zdahadku, što prajazny mahli zrabić na kalarovym ksieraksie.
Hetym razam spadarynia Valancina zmahła adabrać prajazny ŭ žančyny i paviedamiła pra heta načalstvu. Jana dadała, što daŭno nie sustrakała padrobak, napeŭna, hadoŭ dziesiać, i tady ich rabili zusim maładyja ludzi.
Zaraz kanduktar bolš staranna praviaraje dakumienty, asabliva kali pasažyr pakazvaje jaho ŭ kalarovym futarale.