Čamu Litva zakryvaje ruch ciahnikoŭ praz pamiežny pierachod Stasiłas-Bieniakoni?
Zhodna z dakumientam, jaki atrymaŭ telekanał «Biełsat», z 16 lutaha praz čyhunačny pierachod Stasiłas-Bieniakoni ŭvodzicca zabarona na pryjom da pieravozki ŭsich hruzaŭ na ŭsie stancyi Litoŭskaj čyhunki. A ź siońniašniaha dnia ŭvodzicca časovaja zabarona na pryjom da pieravozki hruzaŭ na stancyi Biełaruskaj čyhunki. Błohier Anton Matolka daviedaŭsia, z čym heta źviazana.
14.02.2023 / 19:13
Pradstaŭniki litoŭskaj mytni paviedamili, što pytańnie zakryćcia pamiežnaha pierachodu «Stasiłas» dla ruchu hruzavych ciahnikoŭ ź Biełarusi ŭ Litvu jany abmiarkoŭvali jak minimum z 19 studzienia.
Pa słovach mytni, hetaja miera źviazanaja z adsutnaściu na mytnym pastu «Stasiłas» renthienaŭskich sistem, z-za čaho ciažej pieraškadžać pravozu kantrabandnych hruzaŭ, u pieršuju čarhu — cyharet.
Ciapier hruzavyja ciahniki ź Biełarusi ŭ Litvu časova nie buduć prachodzić praz «Stasiłas», a buduć nakiravanyja na inšyja punkty propusku — praz stancyju «Kiana», dzie renthienaŭskija sistemy dla skanavańnia hruzaŭ ustalavanyja.