Kala Čarnobyla žyvie statak dzikich karoŭ, jakija navučylisia vyžyvać samastojna. Ich navat nie treba daić
Karovy naležali dźvium siemjam, jakija pasialilisia ŭ Čarnobylskaj zonie. U 2016 hodzie nikoha z haspadaroŭ nie stała, jany pamierli, a statak pačaŭ žyć bieź ludziej i ździčeŭ. Ciapier pry zjaŭleńni čałavieka abo mašyny karovy chutka ŭciakajuć u najbližejšy huščar.
10.02.2023 / 08:28
Z 2018 hoda za karovami nazirajuć navukoŭcy Čarnobylskaha radyjacyjna-ekałahičnaha zapaviednika. Jany kažuć, što žyvioły adčuvajuć siabie dobra.
Ad vietru i daždžu karovy chavajucca ŭ zakinutych pabudovach. Karmoŭ na terytoryi zakaźnika dastatkova. Zimoj žyvioły vykopvajuć kapytami suchuju travu z-pad śniehu.
Karoŭ nie treba daić. Ich cykł łaktacyi źmianiŭsia i ciapier źviazany z naradžeńniem cialat.