U Litvie zatrymali vielmi bujnuju partyju biełaruskich kantrabandnych cyharet
Litoŭskaja Mytnaja kryminalnaja słužba paviedamiła pra zatrymańnie partyi kantrabandnych cyharet ź Biełarusi, košt jakoj aceńvajecca na amal 2,6 młn jeŭra.
07.02.2023 / 17:30
Zatrymańnie partyi adbyłosia nie na miažy, a ŭ Kaŭnaskim rajonie. Tam litoŭskija mytniki zatrymali piać čałaviek — čatyroch litoŭcaŭ i rasijanina. Jany jakraz zajmalisia razhruzkaj.
Usiaho byli ahledžanyja dva hruzaviki i try paŭpryčepy. Vyśvietliłasia, što kantrabandnyja biełaruskija cyharety ŭvieźli ŭ Litvu pad vyhladam jabłykaŭ, jakija pa dakumientach musili być dastaŭlenyja ŭ Kalininhradskuju vobłaść Rasii.
Ahułam zatrymali 1330 skrynak cyharet.