Biełaruskija tanki kormiać Litvu / Pomsta mitrapalita Vienijamina školnicam za spalenuju ikonu / «Pra što havorać mužčyny» zabaranili pakazvać u Biełarusi. Hladzicie VIDEAnaviny za 3 lutaha
Što zdaryłasia ŭ piatnicu 3 lutaha? Hladzicie ŭ našym viečarovym vypusku navin.
03.02.2023 / 20:26
Rasija rychtujecca da nastupu. Kijeŭ prosić zbroju ŭ Zachadu i abiacaje nie stralać pa Maskvie. Bachmut usio jašče ŭkrainski: Michaił Padalak zajaŭlaje, što košt abarony vielmi vysoki. Enierhadar: vybuchnuŭ aŭtamabil, zahinuŭ kałabaracyjanist. Mitrapalit Vienijamin zaniaŭsia spravaj školnic: jany padpalili abraz u centry Minska, kala Śviata-Duchava kafiedralnaha sabora na Niamizie. Ciapier dziaŭčatam pahražaje kałonija.
Sud u Horadni: pryjomnyja baćki hadami ździekavalisia ź dziaciej. Ale atrymali mienšy termin, čym dajuć za fota z pratestaŭ abo kamientar. Represii nie spyniajucca: začystka ŭ Fanipali, zvalnieńni na «Atłancie» ŭ Baranavičach. Wargaming ciapier płacić rekordnyja padatki ŭ Litvie: kolki?
Film «Pra što havorać mužčyny» źniali z prakatu: jaho praviaraje biełaruskaje Ministerstva kultury. Tym časam prychilnik vajny i bićcia žančyn Marat Bašaraŭ jedzie z hastrolami ŭ Minsk. U Homieli prydumali «Čysty čaćvier» dla biudžetnikaŭ. Maskva zahadała źmianić dyzajn kultavaj hłybockaj zhuščonki. Samy stary sabaka ŭ śviecie žyvie ŭ Partuhalii: jamu 31 hod!