Reakcyjny pamočnik Łukašenki staŭ namieśnikam Kačanavaj
Valeryj Bielski staŭ namieśnikam staršyni Savieta Respubliki Natalli Kačanavaj. Pra heta paviedamiła pres-słužba vierchniaj pałaty Nacyjanalnaha schodu.
30.01.2023 / 13:09
Fota: BiełTA
Na minułym tydni Bielski byŭ vyzvaleny ad pasady pamočnika Alaksandra Łukašenki pa pytańniach raźvićcia finansava-kredytnaj sistemy i namieśnika kiraŭnika Administracyi prezidenta i pryznačany členam Savieta Respubliki.
Valeryj Bielski — doktar ekanamičnych navuk, vychadziec z ahrarnaha siektara haspadarki, jaki zrabiŭ karjeru ŭ Instytucie ekanomiki Akademii navuk. Na pasadu pamočnika Alaksandra Łukašenki i namieśnika kiraŭnika Administracyi jon pryjšoŭ u 2020 hodzie. I zastaŭsia na joj paśla falsifikacyi vybaraŭ, masavych represij i napadu na Ukrainu. Jaho publičnaja rytoryka vyłučałasia ŭschvaleńniem ekanamičnych pośpiechaŭ łukašenkaŭskaha režymu.