Stryminhavy servis Amazon Prime Video admianiaje ŭsie padpiski ŭ Biełarusi
«Prime Video admienić raniej prypynienyja padpiski z 25 studzienia 2023 hoda. U vyniku vy nie zmožacie praciahvać stryminh kantentu Prime Video», — havorycca ŭ liście, jaki atrymali biełaruskija karystalniki. Pra heta piša «Novy čas».
25.01.2023 / 17:01
Dla tych, chto źjechaŭ z krainy, ale maje padpisku, aformlenuju jašče ŭ Biełarusi, kampanija prapanavała zarehistravać novy akaŭnt u inšaj krainie. Pry hetym ni na sajcie kampanii, ni na sajcie servisu paviedamleńnia pra zakryćcio padpiski dla Biełarusi niama. Takija paviedamleńni byli razasłanyja karystalnikam asabista.
Amazon Prime Video, taksama viadomy prosta jak Prime Video, — heta amierykanskaja słužba stryminhavaj pieradačy i prakatu videa pa zapycie padpiski Amazon, prapanavanaja jak asobnaja pasłuha albo jak častka padpiski Amazon Prime. Servis u asnoŭnym raspaŭsiudžvaje filmy i telesieryjały, vyrablenyja Amazon Studios i MGM Holdings abo licenzavanyja Amazon, jak Amazon Originals. Taksama servis taksama raźmiaščaje kantent ad inšych pastaŭščykoŭ, dapaŭnieńni da kantentu, žyvyja tranślacyi spartyŭnych padziej, a taksama pasłuhi prakatu i kupli videa.
Prime Video dadatkova prapanuje pasłuhu dadańnia kantentu ŭ vyhladzie kanałaŭ, zvanych Amazon Channels, abo Prime Video Channels, jakija dazvalajuć karystalnikam padpisvacca na dadatkovyja pasłuhi padpiski na videa ad inšych pastaŭščykoŭ kantentu ŭ Prime Video.
Ad pačatku vajny va Ukrainie ab spynieńni viaščańnia ŭ Biełarusi taksama abviaścili stryminhavyja placoŭki Disney i Apple. U sakaviku 2022 hoda Amazon spyniŭ rehistracyju novych klijentaŭ ź Biełarusi ŭ Amazon Web Services.