U Hrodnie zatrymany pradprymalnik Anton Jankoŭski
Ën aŭtar samych papularnych biełaruskamoŭnych nastołak apošniaha dziesiacihodździa.
25.01.2023 / 12:54
Mužčyna na videa kaža, što byŭ zatrymany za raspaŭsiud ekstremisckich materyjałaŭ u sacyjalnaj sietcy «UKantakcie» (pavodle č. 2 art. 19.11 KaAP, raspaŭsiud, vyrab, zachoŭvańnie, pieravozka infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść). Pad «ekstremisckimi materyjałami» łukašysty zvyčajna majuć na ŭvazie spasyłki na niezaležnyja ŚMI ci pabliki.
Taksama łukašysty śćviardžajuć, što pry nadhladzie mabilnaha telefona byŭ znojdzieny fakt rehistracyi ŭ «płanie Pieramoha» — heta niemahčyma pravieryć ci paćvierdzić.
Sam Anton na videa paviedamlaje, što nijakich dziejańniaŭ, źviazanych ź im, nie ździajśniaŭ.
Anton Jankoŭski pracuje ŭ studyi raspracoŭki nastolnych hulniaŭ «Kubik». Ën aŭtar samych papularnych biełaruskamoŭnych nastołak apošniaha dziesiacihodździa.