Mašynu Vaskrasienskaha zaŭvažyli ŭ Krakavie
Mašyna Juryja Vaskrasienskaha była zaŭvažanaja ŭ Krakavie, piša ŭ tvitary Anton Matolka.
22.01.2023 / 23:07
Fota: 1prof.by
Pa źviestkach błohiera, mierkavanaje miesca, dzie spyniŭsia Vaskrasienski — trochzorkavy hatel Leonardo Boutique Hotel Krakow Old Town.
Tvit Antona Matolki i adkaz Juryja Vaskrasienskaha
Vaskrasienski ŭ adkaz źmiaściŭ u svaim telehram-kanale źjedlivy dopis.
«Ździŭlaje nie tolki žadańnie zachapić mianie z metaj nastupnaha abmienu na kryminalnikaŭ (vidać, tak Vaskrasienski, jaki sam siadzieŭ za kratami, nazyvaje palitviaźniaŭ. — NN). Jany kličuć na dapamohu «bataljony Sachaščyka», tamu što sami nie mohuć dać rady adnamu ačkastamu palitołahu, zusim niamocnaha ciełaskładu».
«Naša Niva» zapytała ŭ Vaskrasienskaha, jakaja meta jaho pryjezdu ŭ Krakaŭ, ale toj admoviŭsia kamientavać.