U Italii zatrymali bosa «Koza nostra». Jon chavaŭsia 30 hadoŭ
Italjanskija palicejskija zatrymali Matea Miesinu Denara, jaki ličycca bosam mafii «Koza nostra». Jon chavaŭsia ad pravasudździa ź leta 1993 hoda.
16.01.2023 / 12:23
Adnaho z samych niebiaśpiečnych mafijozi zatrymali ŭ pryvatnaj klinicy Madalena ŭ Palerma, dzie jon prachodziŭ terapiju.
U 2020 hodzie italjanski sud zavočna prysudziŭ Matea Miesinu Denara da pažyćciovaha turemnaha źniavoleńnia. Druhi pažyćciovy termin jon atrymaŭ za saŭdzieł u arhanizacyi zabojstvaŭ lehiendarnych italjanskich śledčych Džavani Falkonie i Paoła Barsielina i vaśmi palicejskich-achoŭnikaŭ na Sicylii ŭ 1992 hodzie.
Raniej italjanca ŭžo pryhavorvali da pažyćciovaha terminu za ŭdzieł u arhanizacyi teraktaŭ u Rymie, Fłarencyi i Miłanie ŭ 1993 hodzie, u vyniku jakich zahinuli dziesiać čałaviek i kala sta byli paranienyja.