Dźmitryjeva abvinavacili ŭ fatahrafii z Klintan i pierasiačeńni biełaruskaj miažy
Stała viadomaja pryčyna zatrymańnia palityka Andreja Dźmitryjeva.
13.01.2023 / 15:48
U vyniku «nieadkładnych śledčych dziejańniaŭ» vyśvietliłasia, što jon braŭ udzieł u mirnych pratestach 2020 hoda.
«Taksama ŭstanoŭlena, što padazravany 599 razoŭ pierasiakaŭ dziaržaŭnuju miažu Respubliki Biełaruś, ź ich 33 — paśla 2020 hoda. Śledstva miarkuje, što najaŭnaść kantaktaŭ Dźmitryjeva z pradstaŭnikami Zachadu i ZŠA, moža śviedčyć ab kaardynacyi jaho «palityčnaj» dziejnaści z-za miažy. Majecca infarmacyja, što zatrymany kantaktavaŭ ź Dziaržaŭnym sakrataryjatam ZŠA i asabista ź jaho byłym kiraŭnikom Chiłary Klintan», — havorycca ŭ pres-relizie SK.
Suprać palityka raspačataja kryminalnaja sprava pa sumna viadomym artykule 342 (arhanizacyja ci padrychtoŭka dziejańniaŭ, jakija hruba parušajuć hramadski paradak).