U Biełarusi pačali bajavoje dziažurstva zienitnyja padraździaleńni «naroščanaj» rasijska-biełaruskaj hrupoŭki
Ministerstva abarony paviedamiła, što vojskami SPA Respubliki Biełaruś «ažyćcioŭlena naroščvańnie sił supraćpavietranaj abarony RHV Biełarusi i Rasii».
11.01.2023 / 13:12
Biełaruskija vajskoŭcy z chlebam-sollu sustrakajuć rasijan
Zienitnyja rakietnyja padraździaleńni nakiravalisia ŭ pryznačanyja rajony i zastupili na bajavoje dziažurstva.
Z 16 studzienia pa 1 lutaha 2023 hoda ŭ Biełarusi projdzie sumiesnaje lotna-taktyčnaje vučeńnie z avijacyjnymi padraździaleńniami Uzbrojenych Sił Respubliki Biełaruś i Rasijskaj Fiederacyi, jakija ŭvachodziać u skład avijacyjnaha kampanienta RHV.
8 studzienia ŭ Biełaruś prybyŭ «avijacyjny składnik ź liku vajenna-kaśmičnych sił Uzbrojenych Sił Rasijskaj Fiederacyi».
Padčas praviadzieńnia lotna-taktyčnaha vučeńnia buduć zadziejničany ŭsie aeradromy i palihony VPS i vojskaŭ SPA Uzbrojenych Sił Biełarusi.