Улады Казахстана адхрысціліся ад «юрты нязломнасці» ў Бучы
Прадстаўнік МЗС Казахстана Айбек Смадыяраў заявіў, што будаўніцтва юрты прафінансавалі казахскія мецэнаты.
11.01.2023 / 10:16
«Амбасада не ўдзельнічала, гэта ініцыятыва толькі прыватных казахстанскіх кампаній», — цытуюць яго словы расійскія медыя, якія характарызуюць устаноўку юрты як «антырасійскую акцыю».
Смадыяраў дадаў, што дзяржава не можа «ні каментаваць, ні забараняць» гэтую прыватную ініцыятыву.
Раней у МЗС Расіі запатрабавалі ад Казахстана тлумачэнняў.
Пра стварэнне «юрты нязломнасці» ў Бучы стала вядома 6 студзеня. Прадстаўнікі Бучанскай гарадской рады заяўлялі, што юрту адкрылі пры падтрымцы пасольства Казахстана і дэпутата Вярхоўнай рады Сяргея Нагарняка.