Jašče adna kraina pačnie vydavać šenhienskija vizy biełarusam
Z 9 studzienia dakumienty na šenhienskuju vizu stała prymać Charvatyja: kraina ŭvajšła ŭ Šenhienskuju zonu z hetaha hoda.
09.01.2023 / 20:50
Kab zapisacca na padaču dakumientaŭ dla atrymańnia šenhienskaj vizy praź vizavy centr Charvatyi, treba adpravić list na elektronnuju poštu info.crbe@vfshelpline.com. U im abaviazkova varta paznačyć:
- imia i proźvišča zajaŭnika, jak u pašparcie;
- metu pajezdki;
- kantaktny numar telefona;
- typ padačy.
Jak chutka pasolstva zmoža pryniać dakumienty, na jaki termin Charvatyja budzie vydavać vizy i ci buduć admovy, pakul nieviadoma.
Pieralik dakumientaŭ dla afarmleńnia šenhienskaj vizy možna pahladzieć na sajcie charvackaha vizavaha centra.
Atrymanyja da 1 studzienia 2023 hoda charvackija vizy da kanca terminu dziejańnia sapraŭdnyja dla ŭjezdu ŭ Charvatyju, šmatrazovyja — taksama dla ŭjezdu ŭ Bałharyju, Rumyniju i na Kipr.