Mikałaju Aŭtuchoviču, palitviaźniu z rekordnym turemnym terminam, spoŭniłasia 60 hadoŭ
Były afhaniec, jon ustupiŭ u baraćbu ź sistemaj paśla taho jak ułady, z usioj vidavočnaściu, sfalsifikavali vyniki vybaraŭ u Pałatu pradstaŭnikoŭ, na jakich jon bałatavaŭsia ŭ svaim Vaŭkavysku.
07.01.2023 / 12:33
Mikałaj Aŭtuchovič
U adkaz ułady źniščyli jahony kvitniejučy aŭtabiznes. Kali Aŭtuchovič nie spyniŭsia, jaho pasadzili ŭ turmu za niekalki patronaŭ, nibyta znojdzienych u jahonym domie.
Pradprymalnika zatrymali ŭ śniežni 2020 hoda. Siarod abvinavačvańniaŭ — akt teraryzmu, niezakonnyja dziejańni ŭ dačynieńni da ahniastrelnaj zbroi i vybuchovych rečyvaŭ, zamach na zachop ułady, stvareńnie złačynnaj arhanizacyi, raspalvańnie varožaści.
Jamu prysudzili 25 hadoŭ turemnaha źniavoleńnia. Razam ź im na daŭžeznyja terminy asudzili 11 jahonych adnadumcaŭ — ad byłych afhancaŭ da pravasłaŭnaha śviatara ź siamjoju.
Miarkujučy pa abryŭkach infarmacyi, jakaja dachodzić z turmy, Aŭtuchovič nie źniavieryŭsia, upeŭnieny ŭ spraviadlivaści svaich dziejańniaŭ i ŭ tym, što jon jašče paŭdzielničaje ŭ adnaŭleńni kanstytucyjnaj zakonnaści ŭ krainie i pabudovie svabodnaj i demakratyčnaj Biełarusi.