U 2022 hodzie fizasoby pradali bolš valuty, čym kupili
U Biełarusi fizičnyja asoby ŭ 2022 hodzie pradali na $26,3 młn zamiežnaj valuty bolš, čym kupili. Pra heta śviedčać statystyčnyja danyja Nacyjanalnaha banka.
06.01.2023 / 16:28
Ahulny abjom nabytaj fizičnymi asobami najaŭnaj i bieznajaŭnaj zamiežnaj valuty ŭ 2022 hodzie skłaŭ $10,032 młrd, pradadzienaj — $10,059 młrd, pry hetym u śniežni nasielnictva sfarmavała čysty popyt na zamiežnuju valutu ŭ sumie $109,6 młn.
Subjekty haspadarańnia — rezidenty Biełarusi ŭ 2022 hodzie vystupali ŭ roli čystych pakupnikoŭ zamiežnaj valuty.
Pavodle źviestak Nacyjanalnaha banka, pradpryjemstvy kupili na $1,328 młrd valuty ŭ ekvivalencie bolš, čym pradali. Ahulny abjom nabytaj jurydyčnymi asobami zamiežnaj valuty letaś skłaŭ $27,707 młrd, pradadzienaj — $26,379 młrd.
Za śniežań kupla jurydyčnymi asobami zamiežnaj valuty pieravysiła jaje prodaž na $400,9 młn.