Мінскі гатэль «Славянскі» выставілі на аўкцыён
У Мінску выстаўлены на аўкцыён 15-павярховы гатэль «Славянскі» па вуліцы Нарачанская, 6. Інфармацыя пра гэта размешчана на сайце «БелЮрЗабеспячэнне». Пачатковы кошт маёмасці — звыш 10,44 мільёна рублёў.
03.01.2023 / 17:31
У лот уваходзіць будынак гатэльнага комплексу з паркінгам і рэстаранам, размешчаны на ўчастку ў 1,3208 га, шыльды, ліфты, сістэмы аховы і вонкавага назірання, сістэмы кандыцыянавання і іншае падобнае. Пачатковы кошт маёмасці — больш 10,44 мільёна рублёў.
Заяўкі на ўдзел у таргах прымаюцца да 16:00 18 студзеня. Аўкцыён прызначаны на 19 студзеня: таргі пройдуць з 9:00 да 18:00.
Аб'ект першапачаткова будаваўся да чэмпіянату свету па хакеі ў 2014 годзе.