Premjer-ministr: Ukraina vydatkavała na vajnu 1,2 tryljona hryŭniaŭ
Premjer-ministr Ukrainy Dzianis Šmyhal u piatnicu skazaŭ, što Ukraina za dziesiać miesiacaŭ vajny vydatkavała na abaronu 1,2 tryljona hryŭniaŭ, heta prykładna 32,6 młrd dalaraŭ.
31.12.2022 / 08:59
«Za čas poŭnamaštabnaj vajny ŭrad vydzieliŭ na siektar biaśpieki i abarony bolš čym 1,2 trłn hryŭniaŭ. My istotna pavysili vypłaty ŭsim vajskoŭcam, bolš za 250 młrd hryŭniaŭ było vydzielena na zakupku i madernizacyju zbroi i techniki, jakaja efiektyŭna źniščaje akupantaŭ», — skazaŭ Šmyhal, koratka padvodziačy vyniki hoda na apošnim sioleta pasiadžeńni ŭrada.
Jašče niekalki punktaŭ z vystupu Šmyhala:
— ekanamičnaja dapamoha ad sajuźnikaŭ Ukrainy skłała 31 młrd dalaraŭ,
— da vykanańnia abaronnych zakazaŭ pryciahnutyja 28 tysiač pradpryjemstvaŭ Ukrainy,
— 700 pradpryjemstvaŭ pieraviezieny ŭ mienš niebiaśpiečnyja rehijony krainy,
— Ukraina sabrała niadrenny ŭradžaj i zabiaśpiečyła siabie charčavańniem na nastupny hod,
— prablema zabieśpiačeńnia palivam vyrašana: da kanca hoda impart haručaha ŭ paraŭnańni z sakavikom vyras u dziesiać razoŭ,
— pavodle biahučaj acenki, na adnaŭleńnie spatrebicca bolš za 700 młrd dalaraŭ; Ukraina raźličvaje na kanfiskacyju i pieradaču joj zamarožanych na Zachadzie rasijskich aktyvaŭ.