25-hadovuju palitźniavolenuju asudzili na piać hadoŭ kałonii za pieradaču danych u «Čornuju knihu Biełarusi»
U Mahiloŭskim abłasnym sudzie ŭ zakrytym režymie 23 śniežnia asudzili palitźniavolenuju Taćcianu Karpovič pavodle č. 3 art. 130 (raspalvańnie inšaj sacyjalnaj varožaści) Kryminalnaha kodeksa. Sudździa Pavieł Klimaŭ pryznačyŭ žančynie 5 hadoŭ pazbaŭleńnia voli ŭ kałonii va ŭmovach ahulnaha režymu i štraf 250 bazavych vieličyniaŭ, paviedamlaje «Viasna».
24.12.2022 / 16:40
Taćciana Karpovič — žycharka Viciebska, pavodle adukacyi prahramistka. Jana była zatrymanaja 17 listapada 2021 hoda.
Pieršapačatkova Taćcianu abvinavačvali pavodle č. 3 art. 130 (raspalvańnie inšaj sacyjalnaj varožaści) i č. 3 art. 203-1 (niezakonnyja dziejańni ŭ dačynieńni da infarmacyi ab pryvatnym žyćci i piersanalnych danych) Kryminalnaha kodeksa za pieradaču danych siłavikoŭ, nastaŭnikaŭ, sudździaŭ u telehram-kanał «Čornaja kniha Biełarusi». Taćcianu źmiaścili ŭ SIZA-1. Naprykancy kastryčnika 2022 hoda jaje pieraviali ŭ viciebski SIZA-2, a paśla — u mahiloŭskuju turmu № 4.
Ale paźniej druhi artykuł z abvinavačańnia prybrali.
12 śniežnia 2022 raspačaŭsia ŭ zakrytym režymie sudovy praces nad Taćcianaj. Dziaržabvinavačańnie pradstaŭlała prakuror Taćciana Kaściuška. Jana zaprasiła dla palitźniavolenaj 6 hadoŭ pazbaŭleńnia voli. Ale sudździa ŭ vyniku pryznačyła dziaŭčynie 5 hadoŭ kałonii.
Padtrymajcie palitźniavolenuju: Turma № 4. 212011, h. Mahiloŭ, vuł. Krupskaj, 99A, Taćciana Mikałajeŭna Karpovič