Rakieta prylacieła ŭ restaran u Daniecku, dzie Rahozin adznačaŭ dzień naradžeńnia VIDEA
Rasijski čynoŭnik i prapahandyst paranieny, dva achoŭniki zahinuli.
22.12.2022 / 01:45
Uviečary rasijskija telehram-kanały paviedamili pra abstreł restarana «Šeš-Bieš» u Daniecku. U toj momant tam hulaŭ Dźmitryj Rahozin, jaki da lipienia 2022-ha kiravaŭ dziaržkarparacyjaj «Raskosmas», a paśla ŭznačaliŭ hrupu vajennych daradcaŭ «ŁDNR».
U vyniku abstrełu dva čałavieki zahinuli. Rahozin atrymaŭ askołačnyja ranieńni hałavy, jahadzic i ściahna.
Askołak, jaki trapiŭ u chrybietnik Rahozina, pavodle acenak miedykaŭ, vyciahnuć nie ŭdasca.
Pra heta paviedamiŭ jaho pamočnik.
Sam palityk ličyć svoj stan zdavalniajučym.
Miarkujučy pa videa ź miesca zdareńnia, rakieta ci snarad prylacieli dakładna ŭ pamiaškańnie, dzie viali hutarku Rahozin i vysokapastaŭlenyja čynoŭniki akupacyjnaj administracyi. Butelki na stale zastalisia niekranutyja.