Deputaty pryniali ŭ pieršym čytańni zakonaprajekt ab Usiebiełaruskim narodnym schodzie
Pałata pradstaŭnikoŭ Nacyjanalnaha schodu 20 śniežnia pryniała ŭ pieršym čytańni prajekt zakona «Ab Usiebiełaruskim narodnym schodzie», paviedamlaje pres-słužba parłamienta.
20.12.2022 / 15:34
Usiebiełaruski narodny schod u lutym 2021 hoda. Fota: BiełTA
Zakonaprajekt źmiaščaje pałažeńni, nakiravanyja na kompleksnaje vyznačeńnie paradku farmiravańnia Usiebiełaruskaha narodnaha schodu i realizacyi im svaich paŭnamoctvaŭ, pryncypaŭ i arhanizacyjnych asnoŭ jaho dziejnaści, miechanizmaŭ razhladu pytańniaŭ, adniesienych da kampietencyi UNS.
«Zakonaprajektam taksama prapanujecca zamacavać pravavy status delehata UNS, jaho pravy i abaviazki, padstavy spynieńnia jaho paŭnamoctvaŭ, u tym liku daterminovaha. Pry hetym zakonaprajekt uličvaje kanceptualnyja padychody da farmiravańnia i dziejnaści UNS, jaho struktury, kampietencyi, paŭnamoctvaŭ jaho orhanaŭ, ustanoŭlenyja Kanstytucyjaj Respubliki Biełaruś», — paviedamiła pres-słužba parłamienta.
Praduhledžvajecca, što da kanca hoda zakonaprajekt budzie pryniaty ŭ druhim čytańni, bo hraničny termin dla pryniaćcia zakonaprajekta — sakavik.