Беларусь і Расію выключылі з Міжнароднага саюза чыгунак
Пра тое, што арганізацыя 13 снежня ратыфікавала рашэнне аб выключэнні са свайго складу Расійскай і Беларускай чыгунак, ініцыяванае 4 сакавіка 2022 года, паведаміла прэс-служба «Украінскай чыгункі».
14.12.2022 / 20:14
«За» выключэнне расіян і беларусаў прагаласавалі 72% удзельнікаў арганізацыі.
Прадстаўнікі Кітая, Індыі, Манголіі, Ірана, Арменіі і Казахстана, праўда, прасілі не прыпыняць сяброўства Расіі, называючы яе «важным фінансавым спонсарам арганізацыі».
Міжнародны саюз чыгунак (Union internationale des chemins de fer) — сусветная асацыяцыя гандлёва-эканамічнага супрацоўніцтва паміж асноўнымі суб'ектамі міжнароднага чыгуначнага сектара. Саюз заснаваны ў 1922 годзе, штаб-кватэра знаходзіцца ў Парыжы, членамі UIC з'яўляюцца 204 арганізацыі.