Бергама пабудуе для жыхароў Бучы «цёплыя пункты», дзе можна будзе сагрэцца ў мароз
Улады італьянскага горада Бергама паабяцалі прафінансаваць будаўніцтва ў Бучы «цёплых пунктаў» — закрытых ацепленых памяшканняў, куды мясцовыя жыхары (найперш пажылыя людзі, жанчыны і дзеці) змогуць прыходзіць адагравацца ў халодныя дні.
14.12.2022 / 16:00
Як удакладняе пасольства Італіі ва Украіне, усяго такіх пунктаў будзе 11, а іх будаўніцтва мэрыя Бергама прафінансуе сумесна з дабрачынным фондам CESVI, які ўжо амаль 40 гадоў дапамагае людзям, што пацярпелі ад лакальных канфліктаў у Афрыцы, Азіі, Еўропе і краінах Лацінскай Амерыкі.