Doŭh Biełarusi pierad Rasijaj dasiahnuŭ 8,5 miljarda dalaraŭ
Suśvietny bank padaŭ spravazdaču ab mižnarodnym doŭhu za 2022 hod. Z danych vynikaje, što Biełaruś zastajecca najbujniejšym daŭžnikom Rasii, abahnaŭšy Banhładeš i Indyju.
14.12.2022 / 10:39
Za 2021 hod doŭh Biełarusi pierad Rasijaj vyras na 1,9%, dasiahnuŭšy $8,5 młrd. Hod tamu hety pakazčyk znachodziŭsia na płancy $8,3 młrd.
U spravazdačy havorycca, što najbiadniejšyja krainy, jakija majuć prava brać pazyki ŭ Mižnarodnaj asacyjacyi raźvićcia (MAR) Suśvietnaha banka, ciapier traciać bolš za dziasiatuju častku svaich ekspartnych dachodaŭ na absłuhoŭvańnie svajho doŭhaterminovaha dziaržaŭnaha i harantavanaha dziaržavaj źniešniaha doŭhu, — heta samaja vysokaja dola z 2000 hoda.
Ahulny źniešni doŭh krain Mižnarodnaj asacyjacyi raźvićcia patroiŭsia i dasiahnuŭ $9 trłn.