AAN: Biełaruś dazvolić tranzit ukrainskaha zbožža «biez papiarednich umoŭ», ale z prośbami
Jak adznačyŭ pres-sakratar Hiensieka Arhanizacyi Abjadnanych Nacyj Stefan Dziužaryk, Biełaruś paviedamiła AAN, što daść mahčymaść «biez papiarednich umoŭ» na tranzit ukrainskaha zbožža praz svaju terytoryju dla dalejšaha ekspartu ź litoŭskich partoŭ.
10.12.2022 / 09:27
Pavodle słoŭ Dziužaryka, namieśnik ministra zamiežnych spraŭ Biełarusi Juryj Ambrazievič sustreŭsia ŭ piatnicu ŭ Ńju-Jorku z hienieralnym sakratarom AAN Antonia Huteryšam, kab paviedamić jamu, što niama nijakich pieradumoŭ dla tranzitu ŭkrainskaha zbožža.
Ambrazievič taksama «paŭtaryŭ prośbu svajho ŭrada mieć mahčymaść ekspartavać ułasnyja ŭhnajeńni, jakija ciapier padpadajuć pad sankcyi», — havorycca ŭ zajavie Dziužaryka pa vynikach sustrečy.
U lipieni Arhanizacyja Abjadnanych Nacyj i Turcyja zaklučyli ŭhodu z Rasijaj i Ukrainaj ab adnaŭleńni čarnamorskich pastavak zbožža va Ukrainu, jakija byli spynienyja z pačatku vajny, i ablehčeńni pastavak z Rasii praduktaŭ charčavańnia i ŭhnajeńniaŭ.
Sankcyi zabaraniajuć Biełarusi ekspartavać kalijnyja ŭhnajeńni praz party Bałtyjskaha mora.