Try biełaruskija buślanki ŭvajšli ŭ top-10 samych vialikich hniozdaŭ biełych busłoŭ u Jeŭropie
Biełarusy dasyłali fota na jeŭrapiejski konkurs na samaje vialikaje i samaje ciažkaje hniazdo biełaha busła, i niekatoryja z fotazdymkaŭ byli acenienyja, piša telehram-kanał «Dzikaja pryroda pobač».
07.12.2022 / 19:28
Na fota adnaho ź pieramožcaŭ, Juryja Šakiela, — hniazdo busłoŭ dyjamietram 2,5 mietra i vyšynioj 1,5 mietra!
Busły ablubavali adnu z acalełych ścien staroha brovara ŭ vioscy Druja Brasłaŭskaha rajona i zrabili tam svajo šykoŭnaje hniazdo, u jakim štohod vyvodziacca ptušaniaty.
Usie busły štohod nadbudoŭvajuć hniazdo. Šmatuzroŭnievyja buślanki vielmi ciažkija: trochhadovaje hniazdo moža važyć bolš za 200 kiłahramaŭ, a vielmi staroje — bolš za 800 kh.