U Ivacevičach žančyna zahinuła, ratujučy kata
Žycharka Ivacevičaŭ atrymała śmiarotny ŭdar tokam, kali chacieła vyratavać kata z elektraščytavoj, paviedamiła Ministerstva enierhietyki.
07.12.2022 / 19:19
Fota ilustracyjnaje
57-hadovaja žančyna pačuła, što ŭ elektraščytavoj šmatkvaternaha doma apynuŭsia kot. Jana vyrašyła samastojna jaho adtul vyciahnuć, i heta skončyłasia dla jaje trahična.
Zdareńnie adbyłosia ŭ listapadzie. Uvohule sioleta ad elektratraŭmatyzmu paciarpieli 24 čałavieki, ź jakich 13 zahinuli, a inšyja atrymali ciažkija traŭmy.