Čarhovy «darahi» telefonny zvanok — i piensijanierka straciła 42 tysiačy dalaraŭ
Uviečary 29 listapada 75-hadovaj minčancy na mabilny telefon patelefanavała nieviadomaja. Žančyna raspaviała, što dačka piensijanierki vinavataja ŭ žudasnym DTZ i dla lačeńnia paciarpiełaha boku nieabchodnaja bujnaja suma hrošaj, paviedamlaje SK.
06.12.2022 / 16:29
Žadańnie vyratavać «achviaru avaryi» prymusiła minčanku pavieryć u pačutaje i pieradać kurjeru 42 tysiačy dalaraŭ.
Užo praz paru hadzin piensijaniercy patelefanavała dačka, jakaja raspaviała, što za rulom u toj dzień jana navat nie znachodziłasia.
Raspačata kryminalnaja sprava pa č. 4 art. 209 (machlarstva, ździejśnienaje ŭ asabliva bujnym pamiery) KK. Śledčyja sumiesna z supracoŭnikami milicyi vyśviatlajuć asob, jakija majuć dačynieńnie da ździajśnieńnia złačynstva.
Śledčy kamitet čarhovy raz źviartajecca da hramadzian: pry pastupleńni padobnych zvankoŭ ad «svajakoŭ» nie varta panikavać, i nieabchodna abaviazkova praviarać atrymanuju infarmacyju.