U Vilni adkryłasia krama biełaruskaj simvoliki. Pahladzicie, što tam možna nabyć FOTAREPARTAŽ
U niadzielu, 4 śniežnia, u Vilni ŭračysta adkryli kramu biełaruskaj simvoliki ad drukarni A2.print. «Budźma» schadziła i zrabiła fotarepartaž.
05.12.2022 / 12:20
Krama ci, jak piaščotna nazyvajuć jaje sami uładalniki, «kramačka», raźmieščana ŭ nievialikim sklapieńni ŭ samym centry litoŭskaj stalicy, na vulicy Pilies, 6, litaralna za dva kroki ad kafiedralnaj płoščy.
Pa starym adrasie, u spalnym rajonie Pašyłajčaj, zastajecca vytvorčaść tavaraŭ, jakija ciapier buduć pradavacca ŭ kramie ŭ centry, — mahnitaŭ, kubkaŭ, cišotak, śvitšotaŭ, škarpetak, torbaŭ i šmat čaho inšaha ź biełaruskaj, a taksama ŭkrainskaj dy litoŭskaj simvolikaj.
Na adkryćcio z pavietranymi šarami, šampanskim dy prysmakami pryjšli niekalki dziasiatkaŭ čałaviek.