U prajekcie biudžetu-2023 zapłanavany rost vydatkaŭ na siłavikoŭ
U prajekcie respublikanskaha biudžetu na 2023 hod zapłanavana pavieličeńnie raschodaŭ na nacyjanalnuju abaronu i siłavyja orhany. Vydatki na adukacyju i achovu zdaroŭja taksama vyrastuć, ale nie tak mocna, zaŭvažyła Reform.by.
29.11.2022 / 16:09
Na nacyjanalnuju abaronu płanujecca vydatkavać 2,77 młrd rubloŭ, u tym liku na abaronu i ŭzbrojenyja siły — 2,635 młrd rubloŭ, a na dapamohu mabilizacyjnaj padrychtoŭki i mabilizacyi — 110,5 młn rubloŭ. U paraŭnańni ź biudžetam-2022 abaronnyja vydatki pavialičvajucca na 960 młn rubloŭ, u tym liku na ŭzbrojenyja siły — na 930 młn rubloŭ.
Vydatki na siłavyja struktury, heta značyć, na sudovuju ŭładu, pravaachoŭnuju dziejnaść i zachavańnie biaśpieki, zhodna z prajektam, składuć 4,07 młrd rubloŭ, abo na 926 młn rubloŭ bolš, čym u biudžecie-2022, u tym liku:
— na orhany ŭnutranych spraŭ — 1,49 młrd rubloŭ (+340 młn rubloŭ).
— na prakuraturu — 144,16 młn rubloŭ (+34 młn rubloŭ),
— na orhany pahransłužby — 391,06 młn rubloŭ (+90 młn rubloŭ),
— orhany kryminalna-vykanaŭčaj sistemy — 347,87 młn rubloŭ (+74 młn rubloŭ),
— orhany dziaržbiaśpieki — 334,6 młn rubloŭ (+93 młn rubloŭ)
— orhany sudovaj ułady — 231,28 młn rubloŭ (+53 młn rubloŭ),
— mytniu — 215,04 młn rubloŭ (+42 młn rubloŭ),
— orhany i padraździaleńni pa nadzvyčajnych situacyjach — 445,6 młn rubloŭ (+98 młn rubloŭ).
U respublikanskim biudžecie zapłanavana na adukacyju 1,635 młrd rubloŭ, u tym liku na vyšejšuju — 1,2 młrd rubloŭ. Vydatki na adukacyju pavialičvajucca na 170 młn rubloŭ. Treba adznačyć, što vydatki na achovu zdaroŭja i adukacyju ŭ značnaj stupieni finansujucca ź miascovych biudžetaŭ.
Vydatki na fizkulturu, sport, kulturu i ŚMI zapłanavany ŭ pamiery 624,3 młn rubloŭ, u tym liku na ŚMI — 162,4 młn rubloŭ, na fizkulturu i sport — 273,85 młn rubloŭ, a na kulturu — 182,07 młn rubloŭ. Vydatki na ŚMI pavialičvajucca na 11 młn rubloŭ, na kulturu — na 26 młn rubloŭ, a na fizkulturu i sport — na 38 młn rubloŭ. ANT atrymaje 4,66 młn rubloŭ, STB — 3,84 młn rubloŭ, Biełteleradyjokampanija — 120,3 młn rubloŭ.
Respublikanski biudžet vydatkuje na sacyjalnuju palityku 2,64 młrd rubloŭ, abo na 330 młn bolš, čym było zapłanavana ŭ biudžecie-2022.