Ułady pryznali «Paspalitaje rušeńnie» Sachaščyka «ekstremisckim farmiravańniem»
U pieraliku arhanizacyj, farmiravańniaŭ, indyvidualnych pradprymalnikaŭ, jakija majuć dačynieńnie da ekstremisckaj dziejnaści, «Paspalitaha rušeńnia» pakul niama.
28.11.2022 / 12:23
Pavodle siłavikoŭ, inicyjatyva pryznanaja «ekstremisckim farmiravańniem» «za arhanizacyju dziejnaści pa padrychtoŭcy ździajśnieńnia zamachaŭ na suvierenitet i hramadskuju biaśpieku Respubliki Biełaruś».
Paspalitaje rušeńnie — spartova-adukacyjnaja arhanizacyja, stvoranaja, kab abjadnać biełarusaŭ vakoł mety abarony niezaležnaści Biełarusi. Jana ŭtvaryłasia vakoł «Bajpoła» i padpałkoŭnika Valeryja Sachaščyka, pradstaŭnika Abjadnanaha kabinieta pa pytańniach biaśpieki i abarony.
Charuhvy rušeńnia ź vieraśnia stvarajucca za miežami Biełarusi. Paviedamlałasia, što ŭ charuhvy ŭ Polščy ŭ pieršy dzień zapisalisia 800 čałaviek, paviedamlaje «Viasna».