Na histaryčnym knižnym kirmašy ŭ Varšavie budzie biełaruski stend
U čaćvier, 24 listapada, u Varšavie pačynajecca histaryčny knižny kirmaš. Padčas kirmašu budzie pracavać i biełaruski stend, piša Budzma.
23.11.2022 / 15:34
Histaryčny knižny kirmaš budzie prachodzić z 24 pa 27 listapada (arkady Kubickaha karaleŭskaha zamka (uvachod z boku ul. Grodzkiej), plac Zamkowy 4, Varšava). Čas pracy: z 10:00 da 18:00 (čas miascovy).
Na biełaruskim stendzie budzie šmat śviežych biełaruskich knižak i cikavych imprez!
25 listapada, piatnica:
11:00 — sustreča ź Viktaram Lacharam, hieraldystam i mastakom. Abiacajuć razmovu pra vizualnaje adlustravańnie vajskovaj historyi Biełarusi;
15:00 — razmova ź Siarhiejem Tarasavym, piśmieńnikam, historykam i archieołaham, pra daŭniuju historyju Połacka;
16:00 — paetyčnyja čytańni ź piśmieńnicaj Hannaj Jankuta i pierakładčykam Iharam Krebsam, a taksama razmova pra paetaŭ płaniety ŭ biełaruskich pierakładach;
17:00 — Siarhiej Tarasaŭ prezientuje knihu «Jefrasińnia, Afrasińnia, Ofrasińnia. Jaje čas, jaje kryž».
26 listapada, subota:
11:00 — jašče adna sustreča z hieraldystam i mastakom Viktaram Lacharam dla tych, chto nie paśpieje ŭ piatnicu;
13:00 — lekcyja piśmieńnika i historyka Siarhieja Tarasava pra spadčynu staražytnaha Minska;
15:00 — paetka Nasta Kudasava i mastačka Śviatłana Dziemidovič prezientujuć knihu-albom «Pobač»;
16:00 —pierakładčyk Ihar Krebs prezientuje pierakłady ź niamieckaj — «Habrejskija miełodyi» Hienrycha Hajne i «Staraja novaja ziamla» Teadora Hiercla;
16:30 — piśmieńnica Hanna Jankuta prezientuje knihu dla dziaciej «Marta i jaje mara pra śnieh» i zbornik vieršaŭ «Kanstytucyja»;
17:30 — piśmieńnica Śviatłana Kurs/ Jeva Viežnaviec prezientuje knihu «Pa što idzieš, voŭča?».
27 listapada, niadziela:
11:00 — piśmieńnica Hanna Jankuta i pierakładčyk Ihar Krebs z čytańniami dla dziaciej (historyi pra kata Šprota, Martu i śnieh, Kazačnaje vodnaje ahienctva, Dzieda Maroza i inš.);
13:00 — členy kamandy fiestyvalu intelektualnaj knihi Pradmova prezientujuć novy konkurs rukapisaŭ dla tekstaŭ na biełaruskaj movie ŭ troch halinach, a taksama adkažuć na pytańniečki ŭ suviazi z farmatam i asablivaściami praviadzieńnia fiestyvalu ŭ novych umovach.