Da kanca hoda ŭłady chočuć «źvieryć» usich pahałoŭna vajskovaabaviazanych
Da kanca biahučaha hoda ŭlikovyja źviestki buduć źvieranyja va ŭsich biez vyklučeńnia vajskovaabaviazanych, jakija stajać na vajskovym uliku ŭ Biełarusi, paviedamiła pres-słužba Ministerstva abarony.
15.11.2022 / 21:03
U Biełarusi praciahvajecca, jak śćviardžaje Ministerstva abarony, płanavaja pravierka ŭlikovych źviestak vajskovaabaviazanych, jakaja pravodzicca pa daručeńni Łukašenki. Vyklik hramadzian robicca pozvami.
Abiacajuć, što ŭ siarednim pracedura pravierki zojmie nie bolš za 15 chvilin, paśla čaho hramadzianie zmohuć spakojna iści dadomu.
Kali raniej źvierka pravodziłasia z vajskovaabaviazanymi, jakija pracaŭładkavanyja ŭ pryvatnych i dziaržaŭnych arhanizacyjach, to ciapier pravieryć źviestki płanujuć va ŭsich vajskovaabaviazanych biez vyklučeńniaŭ.
Dla zaviaršeńnia pracedury nieabchodna źjavicca ŭ punkty zboru vajskovych kamisaryjataŭ, miascovych vykanaŭčych i rasparadčych orhanaŭ.