Cichanoŭskaja: U kantaktach z ukrainskimi ŭładami hałoŭnaje — zusim nie maja fotačka ź Zialenskim
Biełaruskija demakratyčnyja siły razumiejuć, čamu aficyjny Kijeŭ paźbiahaje kantaktaŭ ź imi, havoryć Śviatłana Cichanoŭskaja. Ale, tym nie mienš, uzajemaadnosiny treba vybudoŭvać, bo «va Ukrainy nie moža być ahulnaj budučyni z režymam Łukašenki», piša telehram-kanał «Pozirk».
31.10.2022 / 19:19
Fota Ofisa Śviatłany Cichanoŭskaj
Pavodle słoŭ palityka, hałoŭnaje ŭ kantaktach z ukrainskimi ŭładami — zusim «nie fotačka Cichanoŭskaj ź Zialenskim».
«Heta praces vybudoŭvańnia davieru, kanstruktyvu. Razumieju ŭkrainski bok, u ich vielmi šmat aściarožnaści. Prapahanda taksama nie śpić, jany raskazvajuć pra «feesbešnyja» karani Cichanoŭskaj», — pryznaje Cichanoŭskaja.
U toj ža čas, na jaje dumku, zadača demsiłaŭ — «paśladoŭnaj pazicyjaj, kanstruktyŭnaj nienastojlivaściu vybudoŭvać adnosiny».