Milicyja chodzić pa tych, chto zdymaŭsia ŭ klipach Tor Band
Udzielnikaŭ hurta Tor Band razam z žonkami muzykaŭ zatrymali ŭ piatnicu. Paźniej usim zatrymanym muzykam pryznačyli pa 15 sutak aryštu.
31.10.2022 / 14:17
Usie jany ŭtrymlivalisia ŭ rahačoŭskim IČU i, chutčej za ŭsio, buduć adbyvać pakarańnie mienavita tam, paviedamlaje «Viasna».
Sudovyja pracesy nad ich žonkami prachodzili asobna. Viadoma, što Hańnie Muzycy taksama dali 15 sutak, sud u Julii Hałavač budzie tolki paśla abiedu. Jašče adna dziaŭčyna znachodzicca ŭ Žłobinie — jak pakarali jaje, pakul nieviadoma.
Pravaabaroncam stała viadoma, što jaje adpravili ŭ Žłobin, bo ŭ Rahačovie tolki dva žanočyja miescy ŭ IČU.
Paśla zatrymańnia muzykaŭ milicyjanty pačali prychodzić da tych, chto zdymaŭsia ŭ ich klipach. U asnoŭnym heta rahačoŭcy.
Pa słovach śviedkaŭ, pakul usio abychodzicca hutarkami i pahrozami adkaznaściu.