Za 10 kamientaroŭ u «Adnakłaśnikach» maładziečancu prysudzili hod kałonii
U sudzie Maładziečanskaha rajona 31 kastryčnika asudzili Ihara Biełanožku pavodle č. 1 art. 368 (abraza Łukašenki), paviedamlaje «Viasna».
31.10.2022 / 14:08
Ihara zatrymali z-za ananimnaha danosu ŭ milicyju pra «abraźlivyja» kamientary. Jon znachodzicca pad vartaj z 25 žniŭnia. Jamu pastavili ŭ vinu 10 kamientaroŭ u «Adnakłaśnikach» pad publikacyjami, a taksama na svajoj staroncy.
Prakuror zaprasiŭ Iharu pakarańnie terminam 3 hoda kałonii. Mužčyna raskajaŭsia i pryznaŭ svaju vinu.
31 kastryčnika sudździa Maładziečanskaha rajonnaha suda Vadzim Pietrusievič pryznaŭ Ihara Biełanožku vinavatym pavodle č. 1 art. 368 (Abraza Łukašenki) Kryminalnaha kodeksa i prysudziŭ pakarańnie terminam 1 hod pazbaŭleńnia voli ŭ kałonii va ŭmovach ahulnaha režymu.
Iharu Biełanožku 40 hadoŭ. Jon uradženiec Vałožyna, žyvie ŭ Maładziečnie.