Rasija atakavała ŭkrainskija hidraelektrastancyi
Na płacinie DniepraHES u Zaparožžy i na Navadniastroŭskaj HES u Adeskaj vobłaści adbylisia vybuchi.
31.10.2022 / 10:55
Pra heta sa spasyłkaj na miascovych žycharoŭ paviedamlajuć ukrainskija i rasijskija vydańni.
Taksama prychodziać paviedamleńni pra vybuch na Kramiančuckaj HES.
Taksama mer Kijeva Uładzimir Kličko paviedamiŭ pra dva ŭdary pa abjektach krytyčnaj infrastruktury ŭ Kijevie, častka stalicy akazałasia abiastočanaj, a ŭ niekatorych rajonach niama vodazabieśpiačeńnia.
Pra ŭdary pa Charkavie i vobłaści paviedamiŭ kiraŭnik abłasnoj administracyi Aleh Siniahubaŭ.
«Vorah nanios pa Charkavie i Čuhujeŭskim rajonie rakietnyja ŭdary. Papiarednie, rakietami kompleksu z-300, jakija zapuścili ź Biełharada», — napisaŭ jon.
Taksama ŭłady papiaredzili pra mahčymyja pieraboi sa śviatłom.
Taksama rasijcy abstralali abjekty krytyčnaj infrastruktury ŭ Zaparožžy. Mierkavana, rakiety byli vypuščanyja z samalotaŭ. U horadzie mahčymyja pieraboi sa śviatłom, paviedamiŭ kiraŭnik Zaparožskaj AVA Alaksandr Staruch.
Taksama byli abstralanyja Čarkaskaja, Vinickaja vobłaść, Pałtava.