Pamior adzin z zasnavalnikaŭ rok-n-roła Džery Li Ljuis
Džery Li Ljuis, adzin z zasnavalnikaŭ rok-n-roła, pamior va ŭzroście 87 hadoŭ u svaim domie ŭ amierykanskim štacie Tenesi.
28.10.2022 / 22:21
Roskvit karjery Ljuisa prypaŭ na siaredzinu 1960-ch hadoŭ, jon uvajšoŭ u plejadu znakamitych vykanaŭcaŭ rok-n-roła, takich jak Ełvis Preśli, Čak Bery i Litł Ryčard. Jahonaje imia adnym ź pieršych unieśli ŭ Zału słavy rok-n-roła, jon uvachodzić u top-100 najvialikšych muzykaŭ usich časoŭ.
U panteon rok-muzyki Ljuis uvajšoŭ jak rok-n-rolny buntar, jak niepieraŭzydzieny vykanaŭca kłasičnych rok-standartaŭ Whole Lotta Shaking Goin' On, I'm on Fire i asabliva Great Balls Of Fire, jaki staŭ jahonaj vizitoŭkaj.
Apošnija hady žyćcia Ljuis šmat chvareŭ, lekary navat kazali, što jon ad svaich chvarobaŭ pavinien byŭ pamierci jašče niekalki dziesiacihodździaŭ tamu.