Polskija pamiežniki apublikavali novaje videa, na jakim biełaruskija vajskoŭcy dapamahajuć mihrantam pierachodzić miažu
Polskija pamiežniki vykłali novaje videa, jakoje śviedčyć pra toje, što nielehalnyja mihranty, jakija apošnim časam aktyvizavalisia ŭ sprobach pierajści miežy ź Jeŭrapiejskim sajuzam, majuć u hetym nie tolki maralnuju padtrymku z boku łukašenkaŭskich siłavikoŭ.
27.10.2022 / 22:41
Videa było źniata 26 kastryčnika z dapamohaj kvadrakoptara kala raki Śvisłač u rajonie Babroŭnikaŭ.
Skrynšot ź videa
Na videa hrupa z 12 mihrantaŭ, jakuju supravadžajuć dvoje biełaruskich vajskoŭcaŭ u formie i sa zbrojaj, sprabuje padyści da raki ź biełaruskaha boku. Vidać, jak vajskoŭcy niešta havorać mihrantam, a potym viaduć ich za saboj.