Śviatar u Padmaskoŭi naśmierć abjeŭsia muchamorami. Jaho cieła znajšli u kilimie
37-hadovy Anton Bukryn słužyŭ klirykam u Michajła-Archanhielskam chramie ŭ siale Michajłaŭskaja Słabada.
27.10.2022 / 14:59
Jon žyŭ adzin i zdymaŭ kvateru. U joj i znajšli jaho cieła ŭ kilimie praz troje sutak adsutnaści. A pobač — dźvie pieradśmiarotnyja zapiski i sušanyja hryby, paviedamlaje «Ńjusač-Dvač».
U zapiskach Bukryn paprasiŭ nikoha nie vinavacić u jaho śmierci i apisvaŭ, jak jon jeŭ muchamory.
Taksama ŭ zapiscy Bukryn rastłumačyŭ, što mienavita tak dasiahaje «najvyšejšaha ekstazu». A ŭ kilim zavaročvajecca, bo «ŭ momant pierachodu vielmi ciažka kantralavać svajo cieła».