Pierastaŭ pracavać krajaznaŭčy sajt, jaki stvaraŭ palitviazień Jaŭhien Mierkis
«Krajaznaŭčy sajt Homiela i Homielščyny», dzie raźmiaščałasia šmat unikalnaj infarmacyi pa krajaznaŭstvie i historyi rehijona, pierastaŭ adkryvacca. Ciapier pry adkryćci staronki nashkraj.info paznačajecca «sajt niedasiažny», piša homielski resurs «Homiel štodzień».
18.10.2022 / 17:48
Taksama vydaleny telehram-kanał «Krajaznaŭstva Homiela i Homielščyny».
Stvaralnik i sajta, i telehram-kanała — homielski žurnalist i krajaznaŭca Jaŭhien Mierkis. Jaho zatrymali 13 vieraśnia. Žurnalista abvinavačvajuć u sadziejničańni ekstremisckaj dziejnaści (art. 361-4).
Na sajcie «Krajaznaŭstva Homiela i Homielščyny» možna było daviedacca, naprykład, pra knižnuju kulturu Vietki, hramadzianskuju vajnu 1648-51 hadoŭ na Homielščynie, nazvy posudu i načyńnia ŭ havorkach Łojeŭščyny i inšuju infarmacyju.