Зяленскі: Украінскія войскі цалкам зачысцілі Ліман на Данеччыне
Пра гэта ўкраінскі прэзідэнт паведаміў у кароткім звароце.
02.10.2022 / 13:26
Учора здачу горада ў Данецкай вобласці пацвердзіла расійскае міністэрства абароны.
Ліман — першы ўкраінскі горад, які УСУ вызваляюць ужо другі раз. У сярэдзіне красавіка 2014 года яго захоплівалі сілы самаабвешчанай «ДНР». Тады кантроль над Ліманам быў адноўлены праз паўтара месяца, на пачатку чэрвеня 2014 года.
У 2022 годзе расійская армія змагла захапіць Ліман у канцы мая і ўтрымлівала яго больш за чатыры месяцы.