U Biełarusi zastanucca tolki dva estonskija dypłamaty
Siońnia ŭ MZS Biełarusi vyklikali časovuju pavieranuju ŭ spravach Estonii ŭ Respublicy Biełaruś Tryin Chijesału. Joj paviedamili pra pryniataje rašeńnie ab skaračeńni štatu estonskaha pasolstva da samaha minimumu.
23.09.2022 / 16:36
Dypłamatcy paviedamili, što «va ŭmovach niepavažlivaha staŭleńnia da suvierenitetu našaj krainy z boku estonskaha kiraŭnictva» biełaruskaja ŭłada «nie bačyć sensu ŭ šyrokaj dypłamatyčnaj prysutnaści Estonii na svajoj terytoryi».
U suviazi z hetym z 1 kastryčnika 2022 hoda štat estonskaj ambasady pavinien być daviedzieny da adnaho dypłamatyčnaha supracoŭnika dla vykanańnia konsulskich funkcyj i adnaho rabotnika administracyjna-techničnaha piersanału.
Anałahičnym čynam i biełaruski bok skarocić svaju dypłamatyčnuju prysutnaść u Estonii. Pasoł Biełarusi ŭ Estonii adklikajecca na kansultacyi ŭ Minsk.