Былая карэспандэнтка «Першага канала» адмовілася ад узнагарод, уручаных Пуціным
Былая журналістка расійскага «Першага канала» Жанна Агалакава паведаміла пра сваё рашэнне адмовіцца ад пуцінскіх узнагарод у сацсетках. Яна апублікавала фота, з якіх вынікае, што яна адаслала ў Крэмль поштай ордэны «За заслугі перад Айчынай» II ступені і «Дружбы», якія яна атрымала ў 2006 і 2018 гадах.
21.09.2022 / 16:45
У пасылку Агалакава паклала паштоўку з наступным тэкстам:
«Господин Президент,
Ваше руководство ведет страну к пропасти.
Ваши награды считаю неприемлемыми.
Жанна Агалакова»
Агалакава звольнілася з «Першага канала», на якім працавала больш за 20 гадоў, пасля расійскага ўварвання ва Украіну.