U Rasii mabilizujuć 300 tysiač reziervistaŭ
Mabilizacyja budzie iści płanava, ludziej buduć pryzyvać nie adnarazova.
21.09.2022 / 09:40
Pra heta zajaviŭ siońnia ministr abarony Siarhiej Šajhu. Jon taksama zajaviŭ, što suprać Rasii pracuje ŭsia spadarožnikavaja hrupoŭka NATA. «My vajujem užo nie stolki z Ukrainaj, kolki z kalektyŭnym Zachadam», — skazaŭ jon.
Šajhu taksama ŭ svaim zvarocie zajaviŭ, što va Ukrainie zahinuła 5937 rasijskich sałdat i aficeraŭ. Adnak resursy, jakija viaduć padlik pa adkrytych krynicach, užo naličyli kala 6300 zahinułych. Adnak taksama hetyja ličby biez uliku Rashvardyi, PVK, dobraachvotnikaŭ.
Taksama Šajhu nazvaŭ kolkaść zahinułych ukraincaŭ. Ličba paranienych čamuści mienšaja: 61207 «zabitych» i 49368 «paranienych».
Ministr abarony RF zajaviŭ, što pad mabilizacyju trapić 300 tysiač reziervistaŭ, ale studentaŭ pryzyvać nie buduć. Taksama nie buduć nakiroŭvacca va Ukrainu tyja, chto słužyć pa pryzyvie.