Palitviazień Viktar Parchimčyk vyjšaŭ na volu. Jaho asudzili za raskidanyja samarezy
Siońnia palitźniavoleny Viktar Parchimčyk skončyŭ adbyvać termin u papraŭčaj kałonii №17 i vyjšaŭ na volu.
14.09.2022 / 13:40
U kancy krasavika Parchimčyku ŭzmacnili režym i pieraviali z «chimii» ŭ papraŭčuju kałoniju.
15 studzienia 2021 hoda Viktara asudzili na dva hady «chimii» pa č. 1 art. 339 KK (chulihanstva). U vinu Parchimčyku staviłasia toje, što ŭ pieryjad z 12 pa 16 listapada ŭ niekalki etapaŭ z «chulihanskich mierkavańniaŭ» jon raskidaŭ 510 samarezaŭ na prajeznaj častcy kala administracyjnaha budynka pamiežnaha kamiteta.
Adnak nie davioŭ złačynstva da kanca, bo supracoŭniki pamiežnaha kamiteta źbirali raskidanyja samarezy z prajeznaj častki da taho, jak pa ich prajazdžaŭ aŭtatranspart.