Dzianisu Ivašynu dali 13 hadoŭ i 1 miesiac źniavoleńnia
Siońnia ŭ Hrodzienskim haradskim sudzie byŭ vyniesieny prysud žurnalistu Dzianisu Ivašynu. Jamu dali 13 hadoŭ i 1 miesiac źniavoleńnia, piša «Viasna».
14.09.2022 / 16:40
Taksama Dzianisa Ivašyna aštrafavali na 150 bazavych vieličyniaŭ (4800 rubloŭ). Akramia hetaha, jon musić vypłacić maralnuju kampiensacyju dzieviaci paciarpiełym pa 2000 rubloŭ kožnamu. Chto hetyja paciarpiełyja — nieviadoma, bo sud prachodziŭ u zakrytym režymie.
Ahułam 22 800 biełaruskich rubloŭ ci bolš za 9 000 dalaraŭ musić vypłacić palitźniavoleny žurnalist, asudžany siońnia da 13 hadoŭ i 1 miesiaca kałonii.
Dzianis Ivašyn znachodzicca za kratami ŭžo paŭtara hoda z 12 sakavika 2021 hoda. Spačatku jaho abvinavačvali pavodle artykuła 365 Kryminalnaha kodeksa (umiašańnie ŭ dziejnaść supracoŭnika ŭnutranych spraŭ), a paźniej było pradjaŭlenaje abvinavačvańnie pa č. 1 art. 356 KK (Dziaržaŭnaja zdrada).
Sud nad im pačaŭsia 15 žniŭnia i prachodziŭ u zakrytym režymie.