Smarhonski ahrehatny zavod pierajšoŭ na kitajskija ruchaviki
Pra toje, što ŭ matabłokach i mini-traktarach pradpryjemstva zamiest raniejšych amierykanskich i japonskich ruchavikoŭ buduć stavić kitajskija, paviedamiła pres-słužba Minskaha traktarnaha zavoda.
08.09.2022 / 17:56
«U suviazi sa składanaściami ŭ łahistycy my admovilisia ad ustanoŭki na našu techniku matoraŭ Honda, Yamaha i Kohler na karyść kitajskaha vytvorcy, u pryvatnaści, marak Weima i Lifan.
Hety pierachod akazaŭsia dla zavoda biazbolnym i paśpiachovym. Piacihadovy dośvied pracy z Weima u nas byŭ. Taksama my papiarednie vyvučyli pryjarytetny dla nas rasijski rynak, i akazałasia, što ruchavik Lifan tam vielmi papularny. Tamu vyrašyli asvoić novy pierśpiektyŭny kirunak», — skazaŭ namieśnik dyrektara zavoda pa kamiercyjnych pytańniach Andrej Samarevič.
Akramia taho, na pradpryjemstvie vyrablajuć i doślednuju partyju motabłokaŭ z kitajskim ruchavikom Rato. Paśla praviedzienych vyprabavańniaŭ budzie prymacca rašeńnie ab sieryjnaj vytvorčaści.